Lug‘atlar

So‘z tarkibi: {ost}
So‘z bo‘g‘inlari: ost
Izoh(lar)i:
ost ot

1. 1. Narsaning tag qismi, tagi, tubi. Qurbon ota engashib, samovarning ostiga sim tiqayotgan edi, qaddini rostlab, Sidiqjonga qaradi. A. Qahhor, Qo‘shchinor chiroqlari

2. 2. Narsaning quyi qismiga, tagiga yaqin joy. Gulnor deraza ostiga ko‘rpacha solib, qizni o‘tkazdi. Oybek, Tanlangan asarlar

3. 3. Narsaning yaqin atrofi, tevaragi. Yo‘lchi, quloqlari ostida o‘q uzilib turarkan, tomirlarida jo‘shqin kuch, yuragida yuksak hislarning, orzularning bo‘ronini sezdi. Oybek, Tanlangan asarlar
Ona boqqa yetib kelganda, Tursunboy ko‘chatlar ostini yumshatayotgan edi. T. Ashurov, Oq ot

4. 4. Narsalar egallab, bosib yoki qoplab turgan joy, narsaning tagidagi joy, tag. Daraxtlarning osti salqin edi.

5. 5. Narsaning ichki qismi, ichi, orasi, qa’ri. Yer osti suvi. Yer osti boyliklari. ▬ Begoyim yer ostida ilon qimirlasa, biladigan quv xotin. M. Ismoiliy, Farg‘ona tong otguncha
Uni [tog‘ni] yer osti zilzilalari ham xalq ovozidek titratmagan edi. M. Ismoiliy, Farg‘ona tong otguncha

6. 6. Tag, tub (suv havzalarida). Dengiz osti. ▬ Ko‘p odamlar bu daryoning ostida yer tishladi. Oybek, Tanlangan asarlar

7. 7. 3-shaxs egalik va jo‘nalish, o‘rin-payt va chiqish kelishiklari qo‘shimchalari bilan ko‘makchi vazifasida qo‘llanadi (ostida, ostidan).

Antonim(lar)i: uch , tepa , ust
Sinonim(lar)i: tag , tub
Omonimlari: mavjud emas.
Paronimi: mavjud emas.
Qomus: mavjud emas.

1. bir yostiqqa bosh qo‘ydi: turmush qurdi

2. boshi yostiqqa yetganda: kasal bo‘lib qolganda

3. ko‘z ostidan: yashiriqcha, sezdirmay

4. ko‘z ostiga oldi: biror maqsad bilan ko‘zlab qo‘ydi

5. ostonasiga bosh qo‘ydi: xokisor bo‘ldi, xokisorlik qildi

6. oyoq osti bo‘ldi: poymol bo‘ldi, tahqirlandi

7. oyoq osti qildi: poymol bo‘ldi, tahqirlandi

8. oyoq osti qildirdi: poymol qildirdi, tahqirlatdi

9. oyoq osti qilindi: tahqirlandi

10. tumshug‘i ostida: (yoki tagida) Shundoqqina oldida, yonginasida

11. yer ostidan: yashirincha, sezdirmay

12. yostig‘ini quritmoq: butun oilasi bilan o‘ldirib yubordi

13. yostiqdan bosh ko‘tarmoq: yotib qolgan xastalikdan keyin sog‘aya boshladi

1. Rostgo‘y – haqgo‘y – haqiqatgo‘y
Bo‘yog‘iga ko‘ra
(bo‘yoqdorligining oz-ko‘pligiga ko‘ra)

Milliy bo‘yoqdor so‘z: mavjud emas.