Lug‘atlar

So‘z tarkibi: {kambag‘al}
So‘z bo‘g‘inlari: kam-ba-g‘al
Izoh(lar)i:
kambag‘al sf

1. 1. Muhtojlikda yashovchi, tirikchilik uchun kerakli narsasi yetarli bo‘lmagan; qashshoq, faqir, bechora. Kambag‘al dehqon. Kambag‘al oila. ▬ Kambag‘al yigit endi yorug‘da hamma otlarni ayrim-ayrim ko‘zdan kechirdi. Oybek, Tanlangan asarlar
O‘quvchilarning qariyb hammasi kambag‘allarning bolalari bo‘lgani uchun, G‘ulomjon ota-onalar bilan maslahatlashib, ularga har kun issiq ovqat qildirib berib turdi. M. Ismoiliy, Farg‘ona tong otguncha.

2. 2. Yetarli bo‘lmagan; kam, yetishmaydigan. Suvga kambag‘al yer. So‘zga kambag‘al odam.

3. ko‘chma s. t. t. Mushkul yoki ayanchli ahvolga tushib qolgan kishi; sho‘rlik, boyoqish, bechora. Yo‘lchi qachon kelar ekan, kelganda ham nima qilardi, bo‘zbola, kambag‘al. Oybek, Tanlangan asarlar

Antonim(lar)i: badavlat [f-t+a], boy , davlatli , davlatmand [a+f-t]
Sinonim(lar)i: bechora [f-t], bechorahol [f-t+a], faqir [a], miskin [a], qashshoq , yo‘qsil , gado [f-t][f]
Omonimlari: mavjud emas.
Paronimi: mavjud emas.
Qomus: mavjud emas.
Ibora(lar): mavjud emas.

1. Faqir – kambag‘al – o‘rta hol – boy – badavlat
Ma’nosiga ko‘ra
(moddiy ta’minotning yaxshi-yomonligiga ko‘ra)

2. Kambag‘al – qashshoq – bechora – faqir – miskin
Bo‘yog‘iga ko‘ra
(bo‘yoqdorlik belgisining ortib borishiga ko‘ra)

3. Kambag‘al – qashshoq – bechora – faqir – yo‘qsil – gado – bechorahol – miskin
Bo‘yog‘iga ko‘ra
( belgisining bo‘yoqdorligiga ko‘ra)

Milliy bo‘yoqdor so‘z: mavjud emas.