Lug‘atlar

So‘z tarkibi: {urush}
So‘z bo‘g‘inlari: u-rush
Izoh(lar)i:
urush ot

1. 1. Qabilalar, davlatlar yoki ijtimoiy guruhlar o‘rtasidagi uyushgan qurolli kurash. Fuqarolar urushi. Ikkinchi jahon urushi. ▬ Urushning ikkinchi yili otasi armiyaga ketdi-yu, qo‘lida hunari yo‘q ona ikki bola bilan qoldi. P. Qodirov, Uch ildiz
Har eshikda bir qayg‘u sanqir, Qora urush uzoq cho‘zildi. U. Qo‘chqorov, Hayajonga ko‘milgan dunyo

2. 2. Tomonlar o‘rtasida qurolli jang, to‘qnashuv. Ahmadjon sheriklari bilan urushdan xiyla uzoqda dam olib yotgan bir qismga kelib tushdi. A. Qahhor, Oltin yulduz
Kechki soat to‘rtlar, asrdan bir oz ertaroq hukumat askari bilan xalq orasida urush boshlandi. A. Qodiriy, O‘tgan kunlar

Antonim(lar)i: tinchlik
Sinonim(lar)i: jang [f-t], muhoraba [a], harb [a]
Omonimlari: mavjud emas.
Paronimi: urish – Qo‘l yoki biror vosita bilan zarb bermoq; kaltaklamoq; otmoq; o‘zaro janjal, mojaro.
Qomus: mavjud emas.
Ibora(lar): mavjud emas.

1. Tortishuv – janjal – g‘alayon – qo‘zg‘olon – urush
Bo‘yog‘iga ko‘ra
(tushuncha belgisini tor-keng ifodalashiga ko‘ra)

2. Xunuk – badbashara – badburush – badqovoq – tasqara – bedavo – ta’viya – beo‘xshov – beso‘naqay – badsurat – nadomat
Bo‘yog‘iga ko‘ra
(salbiylik bo‘yog‘ining ortib borishiga ko‘ra)

Milliy bo‘yoqdor so‘z: mavjud emas.