Lug‘atlar

So‘z tarkibi: {ko‘k}
So‘z bo‘g‘inlari: ko‘k
Izoh(lar)i:
ko‘k sf

1. 1. Tiniq osmon rangidagi; moviy, zangori. Ko‘k ko‘z. Ko‘k bo‘yoq. ▬ Qo‘limizda tovlanar jajji-jajji bayroqlar, Osmonda ko‘k, qizil shar yengil uchib o‘ynoqlar. I. Muslim.

2. 2. Kul rangidagi, kulrang. Ko‘k bo‘ri. Ko‘k kaptar. ▬ Qamchi ko‘k ot bilan saman toyni yetaklab, daryo tomonga ketdi. H. G‘ulom, Mash’al

3. s. t. t. Yashil, sabza. Ko‘k o‘t. ▬ Qarshimda tebranar ko‘k barglar har on Yu, Hamdam

4. 4. Yer ustida gumbaz shaklida ko‘rinib turadigan havo qatlami; osmon. Enkayganga enkaygin, boshing yerga tekkuncha, Kekkayganga kekkaygin, boshing ko‘kka yetguncha. Maqol
Martning oxirgi kunlari. Ko‘k yuzida suzib yurgan bulut parchalari oftobni bir zumda yuz kuyga solyapti. A. Qahhor, Ming bir jon

5. 5. O‘sayotgan o‘t-o‘simlik, o‘t-o‘lan; maysa, ko‘kat. Yomg‘irlar yog‘ib, yerda o‘t-o‘lanlar ko‘rina boshladi, hayvonlarning og‘zi ko‘kka tegdi. M. Muhammadjonov, Turmush urinishlari
Mening brigadamga qarashli yerdan uch gektariga Misr paxta ekdim. Ko‘ki juda yaxshi. G‘. G‘ulom, Tirilgan murda

6. 6. Bahorda yangi chiqqan, somsa, chuchvara kabi ovqatlarga ishlatiladigan otquloq, yo‘ng‘ichqa, jag‘jag‘, ismaloq kabi ko‘katlarning umumiy nomi va shunday ko‘katlar qo‘shib tayyorlangan ovqat. Ko‘k somsa. Ko‘k sho‘rva. ▬ Ko‘k terish bahonasi bilan dalalarni tusay boshlagan edi. Cho‘lpon, Kecha va kunduz

7. 7. Kashnich, janbil, ukrop kabi ovqatga qo‘shib yeyiladigan rezavor o‘simliklar, ko‘kat. Ko‘k solib qatiqlangan mastavaning lazzatli hidi keldi. A. Muxtor, Opa-singillar

8. s. t. t. (3-sh. birl. shaklida — ko‘ki) Dollar. Bir pachka ko‘ki bilan qo‘lga tushibdi, ish chatoq.

Antonim(lar)i: yer , zamin
Sinonim(lar)i: osmon [f-t]

1. ko‘k I Sifat
havo rangli, moviy

2. ko‘k II Ot
osmon

3. ko‘k III Ot
ko‘kat

4. ko‘k IV Ot
esk. yirik-yirik chok

Paronimi: mavjud emas.
Qomus: mavjud emas.

1. boshi ko‘kka yetdi: behad sevindi

2. ko‘kka ko‘tardi: ortiq darajada maqtadi

3. ko‘kka ko‘tarmoq: ko‘kka ko‘tarmoq

4. ko‘kka sovurdi I: behuda sarfladi

5. ko‘kka sovurdi II: butunlay yemirilib yo‘q bo‘ldi

6. ko‘klarga ko‘tarib: ortiq darajada, benihoya

7. ko‘kragi tog‘day ko‘tarildi: xursand bo‘lib, benihoya ruhlandi

8. ko‘kragiga urdi: chapanichasiga pisanda qildi

9. ko‘ksi ko‘tarildi: xursand bo‘lib, benihoya ruhlandi

10. ko‘ksiga bosmoq: bag‘riga olmoq

11. ko‘ksini qalqon qilmoq: jonini ham ayamay qo‘riqlamoq, ko‘ksini tutib himoya qilmoq, daf etmoq.

12. ko‘ksini tig‘lamoq: ruhiy yoki ma’naviy azob berib, ezib, yuragini dog‘lamoq, yaralamoq.

13. kuli ko‘kka sovrildi: butunlay yemirildi, yo‘q bo‘ldi

14. yerga ursa, ko‘kka sapchiydi: o‘taketgan sho‘x, o‘taketgan betinim

15. yeru ko‘kka ishonmaydi: o‘ta darajada ardoqlaydi, parvona bo‘ladi

1. Moviy – ko‘k – ko‘m-ko‘k
Ma’nosiga ko‘ra
(rang miqdorining oz-ko‘pligiga ko‘ra)

2. Osmon – ko‘k – samo – falak – gardun
Bo‘yog‘iga ko‘ra
(belgisining bo‘yoqli-bo‘yoqsizligiga ko‘ra)

Milliy bo‘yoqdor so‘z: mavjud emas.