1. Yuqori darajadagi qanoat, qoniqish hissi, kishi vujudi, a’zolarining yayrash holati; rohat. O‘z mehnatining huzurini ko‘rmoq. ▬ Kanal suvi qirg‘oqqa bir maromda yel purkab, saratonda odamga huzur bag‘ishlaydi. O‘zbekiston qo‘riqlari
Paxtachilikning azobi ham, huzuri ham bor. Gazetadan
Latofat gullar ichida yurgandek, huzur bilan nafas oldi. S. Zunnunova, Yangi direktor

2. ko‘m. vzf. (jo‘nalish, o‘rin-payt va chiqish kelishiklarida — huzuriga, huzurida, huzuridan) Makon munosabatlarini bildiradi. Azimjon ishdan qaytayotib, bugun yana onasining huzuriga kirdi. Saodat
Toshpo‘latov rais bilan maktab huzurida kurs ochish uchun maxsus joy ajratish rejalari haqida uzoq suhbatlashdi. R. Fayziy, Cho‘lga bahor keldi
Tashabbuskor quruvchilar huzuridan qaytar ekanmiz, ular amalga oshirayotgan ishlar va belgilayotgan rejalar haqida o‘yladik. Gazetadan