Lug‘atlar

So‘z tarkibi: {chang}
So‘z bo‘g‘inlari: chang
Izoh(lar)i:
chang [chang ]

1. Mayda zarra, kukun holidagi tuproq yoki boshqa moddalar; gard, to‘zon. To‘xta xola yuz-ko‘ziga ko‘cha changi yopishayotganini ham payqamas edi. I. Rahim, Chin muhabbat

2. Chang qo‘ngan; g‘uborli. [Zargarov] Xona o‘rtasida sal bukchayganicha turib, chang etigi bilan og‘ir odimlab chiqib ketgan quruvchining beso‘naqay gavdasini horg‘in kuzatib qoldi. A. Muxtor, Bo‘ronlarda bordek halovat

3. O‘simliklarning erkak jinsiy hujayralari. Ashir Haqqulov zargarlarga xos diqqat bilan bir gulning changini mo‘ychinak bilan olib, ikkinchi bir gulni changlayotgan ekan. S. Nurov, Narvoy

4. Qutisimon trapetsiya yoki yoy shaklidagi, sim torlar tortilgan, tirnama yoki qo‘sh cho‘p bilan urib chalinadigan jarang-dor cholg‘u asbobi Chang — o‘zbek xalq cholg‘u asboblari orasida eng ko‘p torlisi hisoblanadi. Gazetadan

5. Labga qo‘yib, po‘lat tilini barmoq bilan turtib, nafas bilan chalinadigan kichik cholg‘u asbobi; changovuz.

6. Zil III.

Antonim(lar)i: mavjud emas.
Sinonim(lar)i: gard [f-t], g‘ubor [a], to‘zon

1. chang I Ot
qush oyog‘ining tirnoqli uch qismi

2. chang II Ot
1. To‘rt burchak yassi quti shaklidagi, sim torlar tortilgan, qo‘sh cho‘p bilan chalinadigan muzika asbobi. 2. Labga qo‘yib, po‘lat tilini barmoq bilan tebratib chalinadygan musiqa asbobi

3. chang III Ot
to‘zon, gard, g‘ubor; mayda zarra yoki kukun holidagi tuproq

Paronimi: mavjud emas.
Qomus: mavjud emas.

1. chang bosmoq: Qalin chang bilan qoplanmoq (uzoq vaqt ishlatilmay yotgan narsa haqida).

2. chang chiqarmoq: Bekorga g‘alva yoki shov-shuv ko‘tarmoq.

3. chang ko‘tarmoq: Bekorga g‘alva yoki shov-shuv ko‘tarmoq.

4. chang qo‘ndirmaslik: 1. gard, dog‘ tegizmaslik, ozoda tutish. 2. ko‘chma o‘ziga, nomiga dog‘ tushirmaslik, gap tegizmaslik.

5. chang soldi: 1)astoyidil tashlandi 2)g‘ayri qonuniy tarzda yopishdi

6. chang yuqtirmaslik: 1. gard, dog‘ tegizmaslik, ozoda tutish. 2. ko‘chma o‘ziga, nomiga dog‘ tushirmaslik, gap tegizmaslik.

7. changal soldi: 1)astoyidil tashlandi 2)g‘ayri qonuniy tarzda yopishdi

8. hasratidan chang chiqdi: ortiq darajada norozilik bildirib gapirdi

9. o‘lim changali: O‘lim xavfi, o‘lim iskanjasi.

10. podadan oldin chang chiqardi: ro‘yobga chiqishi aniq bo‘lmagan narsa haqida hovliqmalik bilan vaqtidan ilgari gapirib yurdi

11. yuragini changallamoq: biror falokatning voqe bo‘lishidan benihoya qo‘rqqan holda

1. Chang – to‘zon – dovul – to‘fon
Ma’nosiga ko‘ra
(shiddat kuchining tez-sekinligiga ko‘ra)

Milliy bo‘yoqdor so‘z: mavjud emas.