Lug‘atlar

So‘z tarkibi: {yel} - moq ( Fe’lga qo‘shiluvchi lug‘aviy shakl yasovchi ∈ Lug‘aviy shakl yasovchi )
So‘z bo‘g‘inlari: yel-moq
Izoh(lar)i:
yel fl

1. 1. Harakatga kelmoq, esmoq. Shamol o‘ynab, shamol yeladi. E. Rahim
Qir ustida shabada Bir tekisda yelmoqda. Z. Diyor

2. 2. Shamolda, shamol kuchi bilan yurmoq, uchmoq. Haydar ota uning ketida qolib, asta-sekin yelib yurgan sarg‘imtir changga qaraganicha xomush qolgan edi. A. Qahhor, Asror bobo

3. 3. Tez yurmoq, yugurmoq, shamoldek uchmoq. Askarlar turnaday tizilib, yelib ketishdi. P. Tursun, O‘qituvchi
Poyezd shu qadar yelmoqdaki, Normatning nazarida poyonsiz dasht chir aylanib, telegraf stolbalari unga qarab chopib ketayotganday. I. Rahim, Chin muhabbat
Avaz aravaga chiqib ulgurmay, ot yelib ketdi. S. Siyoyev, Yorug‘lik

4. shv. hv. Yeldirmoq. Maydon-maydon bedovlarni yelinglar Ergash Jumanbulbul o‘g‘li
Tekis yerda bedov otni yelaman. Oysuluv

Antonim(lar)i: mavjud emas.
Sinonim(lar)i: shamol [a]
Omonimlari: mavjud emas.
Paronimi: yil – Yerning Quyosh atrofida bir marta aylanib chiqish muddati; o‘n ikki kalendar oyiga teng vaqt.
Qomus: mavjud emas.
Ibora(lar): mavjud emas.

1. Jilmoq -qo‘zg‘almoq -o‘rmalamoq – yurmoq – yugurmoq – chopmoq – yelmoq
Ma’nosiga ko‘ra
(harakat tezligining oshib borishiga ko‘ra)

2. Qo‘zg‘almoq – yurmoq – yugurmoq – chopmoq -yelmoq
Ma’nosiga ko‘ra
(harakat sur’atiga ko‘ra)

Milliy bo‘yoqdor so‘z: mavjud emas.