Lug‘atlar

So‘z tarkibi: {yaxshi}
So‘z bo‘g‘inlari: yax-shi
Izoh(lar)i:
yaxshi sf

1. 1. Ijobiy sifatga ega bo‘lgan, biror talabga to‘la javob beradigan, kishiga yoqadigan, ma’qul bo‘ladigan. Yaxshi kishi. Yaxshi ot. Yaxshi baho. Yaxshi gap. Yaxshi g‘oya. Yaxshi tilaklar Yaxshi yemoq. Yaxshi kiymoq. O‘zini yaxshi tutmoq. ▬ Yaxshi so‘z — jon ozig‘i, Yomon so‘z — bosh qozig‘i. Maqol
Yaxshi oshini yer, yomon — boshini. Maqol
Yaxshiga yondash, yomondan qoch. Maqol
Yaxshi bilan yursang, yetarsan murodga, Yomon bilan yursang, qolarsan uyatga. Maqol
[Kumush] Kundan-kunga Zaynabning susayib, o‘ziga begonalashib borganini yaxshi anglar edi. A. Qodiriy, O‘tgan kunlar
Yaxshi gapirib ham ko‘rdi, yomon gapirib ham ko‘rdi, foydasi bo‘lmadi. A. Qahhor, Qo‘shchinor chiroqlari
Gulnor, siz yaxshi o‘ylang, ixtiyor sizda. Oybek, Tanlangan asarlar
Yaxshining yuzida zuluk ham xol bo‘lib ko‘rinadi. A. Qahhor, To‘yda aza

2. mod. s. s. Rozilik, ma’qullash ma’nosini bildiradi; xo‘p bo‘ladi, durust, ma’qul. Yaxshi, hozir yetib boraman. Yaxshi, men yana o‘ylab ko‘raman
[Yusufbek hoji:] Yaxshi. Va’da ham berayin, ammo sen unashmay tur! A. Qodiriy, O‘tgan kunlar
[Oqsoqol] O‘rnidan turdi va qattiq ovoz bilan: — Yaxshi. Bu kishiga ham formadan berasan, — dedi va shoshganicha chiqib ketdi. P. Tursun, O‘qituvchi

Antonim(lar)i: yomon
Sinonim(lar)i: bo‘pti
Omonimlari: mavjud emas.
Paronimi: mavjud emas.
Qomus: mavjud emas.

1. yaxshi ko‘rmoq: 1)sevdi, oshiq bo‘ldi 2)sevdi, izzat-hurmat qildi 3)yoqtirdi

1. Qoniqarsiz – o‘rta – yaxshi – a’lo
Ma’nosiga ko‘ra
(baho belgisiga ko‘ra)

2. Tuzuk – durust – yaxshi – ajoyib – ajib
Bo‘yog‘iga ko‘ra
(belgining kuchli-kuchsiz ifodalashiga ko‘ra)

3. Yaxshi – durust – tuzuk – binoyi
Bo‘yog‘iga ko‘ra
(qo‘llanish doirasining keng-torligiga ko‘ra)

4. Yaxshi – sof – asil
Bo‘yog‘iga ko‘ra
(belgini kuchli darajada ifodalashiga ko‘ra)

5. Yaxshi ko‘rmoq – erkalamoq – suymoq
Bo‘yog‘iga ko‘ra
(bo‘yoqdorligining ortiq-kamligiga ko‘ra)

6. Yomon – qoniqarli – yaxshi – a’lo
Ma’nosiga ko‘ra
(baho darajasiga ko‘ra)

Milliy bo‘yoqdor so‘z: mavjud emas.