Lug‘atlar

So‘z tarkibi: {xursand}
So‘z bo‘g‘inlari: xur-sand
Izoh(lar)i:
xursand sf

1. 1. Hayotdan juda mamnun, kayfiyati juda yaxshi; shod, xurram; xushchaqchaq. Ozod yoshlarning ruhlari tetik va o‘zlari xursand edilar. N. Fozilov, Diydor
Oyim azbaroyi xursand bo‘lganidan: — Barakalla, o‘g‘lim! — deb yelkamga qoqib qo‘ydi. H. Nazir, Yonar daryo

2. 2. Biror kimsadan yoki narsadan qanoat hosil qilgan; mamnun, rozi, minnatdor. Shu yo‘sin Nodira, Mohlar oyimdan juda xursand bo‘lgani holda, uyiga qaytdi. A. Qodiriy, Mehrobdan chayon
Elmurod uni [Davlatyorni] shunday sharoitda uchratganidan xursand bo‘ldi P. Tursun, O‘qituvchi

3. 3. Xursand (erkaklar va xotin-qizlar ismi).

Antonim(lar)i: g‘amgin [f-t<a], g‘amli , g‘ussali , norozi , qayg‘uli , xafa , qovog‘idan qor yog‘adi
Sinonim(lar)i: masrur [a], sarafroz [f-t], shod [f-t], xurram [f-t], xushnud [f-t], xushvaqt [f-t+a]
Omonimlari: mavjud emas.
Paronimi: mavjud emas.
Qomus: mavjud emas.

1. xursandchiligi ichiga sig‘maydi: xursandligi oshib-toshib ketdi

1. Xursandlik – sevinch – quvonch – shodlik – surur
Bo‘yog‘iga ko‘ra
(belgini kuchli darajada ifodalashiga ko‘ra)

Milliy bo‘yoqdor so‘z: mavjud emas.