Lug‘atlar

So‘z tarkibi: {usta}
So‘z bo‘g‘inlari: us-ta
Izoh(lar)i:
usta ot

1. 1. Biror kasb-hunar bilan shug‘ullanuvchi malakali mutaxassis. Soatsoz usta. Etikdo‘z usta. Tikuvchilik ustasi. Ish ustasidan qo‘rqar. Maqol
Bu binoni kim qurgan, Ko‘k bilan ulashtirib? Qomatin zab o‘xshatgan Ustasi kelishtirib. Q. Muhammadiy
[Uylagan:] Og‘il solgan ustalarga doim qarashdim, lekin birovdan bir chaqa so‘raganim yo‘q. A. Qahhor, Qo‘shchinor chiroqlari

2. 2. Ma’lum kasb yoki hunarni egallashga o‘rgatuvchi shaxs; rahbar, ustoz. Usta ko‘rmagan shogird har maqomda yo‘rg‘alar. Maqol
Ustaning shogirdi — o‘n to‘rt yashar Yo‘ldosh deraza oldida o‘tirardi. Oybek, Tanlangan asarlar
Aka-uka usta qo‘lida uch yil ishlashdi Mirmuhsin, Me’mor

3. 3. Shunday shaxslarni bildiruvchi so‘zlarga (shaxsning ismi yoki buva, amaki kabi so‘zlarga) qo‘shib ishlatiladi. Qishloq chekkasida usta Abduvahob degan, Ashtdan ko‘chib kelib qolgan tojik yashaydi. T. Ashurov, Oq ot
Usta boboning kayfi chog‘ edi. S. Siyoyev, Yorug‘lik
Usta amaki, mundan xalat tikib bersangiz. Guldasta

4. 4. Biror ish, sohaning mashhur, mohir bilag‘oni; mohir. Badiiy so‘z ustasi. Yuqori hosil ustalari. San’at ustalari.

5. 5. Sportning u yoki bu sohasida ma’lum natijalarni qo‘lga kiritgan sportchilarga beriladigan unvon va shu unvonga ega bo‘lgan shaxs. Sport ustasi. Xizmat ko‘rsatgan sport ustasi.

6. 6. Epchil, chechan. Marasul aka, ko‘k piyoz to‘g‘rashga ustasiz A. Qahhor, Og‘riq tishlar
Gapga ham usta ekansiz Mirmuhsin, Me’mor
Maynabozchilik qilishga usta edi Rahim aka. F. Musajonov, Himmat

Antonim(lar)i: mavjud emas.
Sinonim(lar)i: mahoratli , mirishkor [a+f-t], mohir [a], omilkor [a+f-t], farang [f-t<a], balo II [a]
Omonimlari: mavjud emas.
Paronimi: mavjud emas.

Mustaqil lug‘aviy ma’noli so‘z– atash ma’nosiga ega bo‘lgan so‘zlar. Bunday so‘zlar mustaqil so‘roq qabul qilib gapda turli gap bo‘lagi vazifasida kela oladi. Fe’l, ot, sifat, son, ravish turkumiga mansub so‘zlar mustaqil atash ma’nosiga ega bo‘ladi.

 

Nutqimizda ishlatiladigan barcha so‘zlar mustaqil lug‘aviy ma’no anglatmaydi. Atash ma’nosiga ega bo‘lgan so‘z mustaqil lug‘aviy ma’noli, atash ma’nosiga ega bo‘lmaydigan so‘zlar nomustaqil ma’noli so‘z deyiladi. Mustaqil so‘zdan olmosh, alohida olingan so‘zdan undov, modal va taqlid atash ma’nosiga ega emasligi bilan xarakterlanadi.

Taniqli tilshunos, filologiya fanlari doktori, professor, O‘zFA akademigi A.Rustamov1931 yilda Toshkent viloyatida tavallud topgan. U o‘zbek tili tarixi, tilning badiiy-estetik vazifasi, tilshunoslikning umumiy masalalarini hal qilishda barakali faoliyat ko‘rsatib kelmoqda. Xususan, «Navoiyning badiiy mahorati» (1979), «Qofiya nima?» (1975), «Mahmud Zamaxshariy» (1971), akademik G‘.Abdurahmonov bilan hamkorlikda yozgan «Alisher Navoiy asarlarining grammatik xususiyatlari» asarlari alohida ahamiyatga ega.

Akademik A.Rustamov oliy o‘quv yurtlarida filologiya ta’limini yuksaltirish sohasida tinimsiz mehnat qilmoqda. Jumladan, G‘.Abdurahmonov bilan hamkorlikda yozgan «Qadimgi turkiy til» (1982) o‘quv qo‘llanmasi qadimgi turkiy manbalarni o‘qish va ularni tahlil etish bo‘yicha talabalarning doimiy hamrohiga aylanib qoldi.

Ibora(lar): mavjud emas.

1. Ayor – mug‘ombir – hiylagar – quv – ustamon – makkor – dog‘ush – mo‘ltoni – hilviri
Bo‘yog‘iga ko‘ra
( bo‘yoqdorlik belgisining kuchliligiga ko‘ra)

Milliy bo‘yoqdor so‘z: mavjud emas.