1. Suhbat, ziyofat va shu kabilarda doimiy birga bo‘ladigan kishilar birligi, shunday kishilardan iborat bo‘ladigan yig‘in; ulfatchilik
Mirza sariq qo‘shilgan ulfatdan tezda qutulib chiqish oson bo‘lmaydi.
Shukrullo, Javohirlar sandig‘i
2. Shunday yig‘in, ulfatchilikning har bir qatnashchisi, a’zosi (boshqalariga nisbatan); jo‘ra.
Qishning uzun tunlari bu yerda ulfatlar gap yeyishadi.
P. Tursun, O‘qituvchi
3. Umuman, suhbat, ziyofat va shu kabilar uchun to‘plangan (ikki va undan ortiq) shaxslar, ulardan har biri (bir-biriga nisbatan).
Boltavoyning yallasiga quloq soladigan ulfatlar choyxonani tark etib, urushga ketgan.
S. Ahmad, Qadrdon dalalar
4. Ulfati.
Xo‘jayin juda ulfat, dilkash odam chiqib qoldi. Men ishlayman, u bo‘lsa choy quyib berib o‘tiradi.
N. Safarov, Olovli izlar
5. Doim birga bo‘luvchi narsa; sherik.
Bir qalam, oppoq qog‘oz birlan siyoh-don ulfatim.
S. Abdulla