Lug‘atlar

So‘z tarkibi: {tish}
So‘z bo‘g‘inlari: tish
Izoh(lar)i:
tish ot

1. anat. at. Ovqat yeyish, tishlash, chaynash, tutib turish uchun xizmat qiladigan a’zo. Kurak tish. Oziq tish. Fil tishi. Tilla tish. Tish cho‘tkasi. Tish pastasi. Tish doktori. Tish tozalamoq. Tish qo‘ymoq, Tishni sug‘urmoq (olmoq). ▬ Juvon yelkasi osha Sidiqjonga qarab, oppoq, marjondek tizilgan tishlarini yarqiratib iljaydi. A. Qahhor, Qo‘shchinor chiroqlari

2. 2. Qurol, asbob, mashina qismlari va shu kabilarning (tishga o‘xshash) o‘tkir, uchli qismi. Arraning tishi. Qirg‘ichning tishi. Taroqning tishlari. Omochning tishi, ▬ Avvalgi yillarda ham traktor ishlardi, bolalar tushmagur tishini sayoz botirishardi, hozir unaqasi yo‘q. S. Mahkamov, Katta rulda
Tosh omochning tishi shakliga kirganda, polvon ko‘rib ma’qulladi A. Qahhor, Ko‘r ko‘zning ochilishi
Ammo chig‘iriq o‘qining tishi chigitni chaynagan choqda ishchilarning aylan-tirishga kuchi yetmas va quloqni chappa aylantirib, qaytadan oldin bosishga majbur bo‘lar edilar. S. Ayniy, Qullar

3. s. t. Tash, sirt, tashqari. Mol olasi tishida, odam olasi ichida. Maqol
O‘zi tishdan yaltirab ko‘rinsa ham, ichki jihatdan surbet bir kimsaga o‘xshab qoldi. P. Tursun, O‘qituvchi

Antonim(lar)i: ich
Sinonim(lar)i: mavjud emas.

1. tish I Ot
so‘zlash. Ichning aksi bo‘lgan joy, tashqari.

2. tish II Ot
yeyish, tishlash uchun ishlatiladigan a’zo; narsaning uchli qismi

Paronimi: tush – Uyquda vujudga keladigan subyektiv psixik hodisa, jarayon; quyosh qoq tepaga kelgan payt.
Qomus: mavjud emas.

1. adi-badi aytishdi: turli mavzuda yengil-yelpi suhbatlashdi so‘z tashlashdi, janjallashdi

2. barmog‘ini tishladi: 1) hech narsa qilolmay, natijaga erisholmay qoldi 2)afsuslandi

3. hayrat barmog‘ini tishlamoq: nihoyat darajada hayron bo‘lmoq; hayratda qolmoq.

4. labini tishladi: kutilmagan hodisaga duch kelib, nima deyishini bilmay qoldi

5. mum tishladi: mutlaqo gapirmadi, suhbatda mutlaqo qatnashmadi

6. tilini tishladi: o‘zini gapirmaslikka majbur qildi

7. tirsakni tishlab bo‘lmas: Ko‘rinib turgan, ammo qo‘lga kiritib bo‘lmaydigan narsa yoki amalga oshmaydigan orzu

8. tishi o‘tmaydi: 1)biror qattiqroq narsani maydalashga, chaynashga tishining qurbi etmaydi 2)enga olmaydi, o‘zlashtira olmaydi 3) idrok qilib yeta olmaydi, uqib yeta olmaydi

9. tishida tishlab: Nihoyatda ehtiyotlab

10. tishini tishiga qo‘ydi: butun his-tuyg‘usini iroda kuchi bilan yengib chidadi

11. tishining kavagida saqlamoq: lekin bir iloj qilib tishimda saqlayman uni.

12. tishining oqini ko‘rsatdi: tirjayib, ishshayib qaradi

13. tish-tirnog‘i bilan: Qat’iyat bilan, butun imkon bilan

14. tish-tirnog‘igacha qurollanmoq: man bir parcha boshpanamga tish-tirnog‘im bilan yopishganimdan hafsalasi pir bo‘layozgandi.

15. yer tishlatmoq: o‘ldirdi

1. Aytishmoq – koyishmoq – janjallashmoq – yoqalashmoq – do‘pposlashmoq – yoqa vayron bo‘lishmoq – qoniga belanishmoq
Bo‘yog‘iga ko‘ra
(ifoda bo‘yog‘ining kuchiga ko‘ra)

2. Sahar – tong – choshgoh – tush – kun oqish – kun botishi – kech – shom – tun
Ma’nosiga ko‘ra
(sutka qismlarining ketma-ketligiga ko‘ra)

3. Tortishuv – janjal – g‘alayon – qo‘zg‘olon – urush
Bo‘yog‘iga ko‘ra
(tushuncha belgisini tor-keng ifodalashiga ko‘ra)

Milliy bo‘yoqdor so‘z: mavjud emas.