1. 1. Yuqori haroratda yonib, nurlanib turgan gaz, alanga, o‘t. Olov yoqmoq. Olovni o‘chirmoq. Qumg‘onni olovga qo‘ymoq. Olovning tishi yo‘q, ho‘l-quruq bilan ishi yo‘q. Maqol

2. 2. Cho‘g‘. Tanchaning olovini oching, taqsir, badanimda qaltiroq turdi. H. G‘ulom, Mash’al
[Yo‘lchi] Bir qo‘lini qizning peshonasiga qo‘ydi: — Naq olovday — dedi. Oybek, Tanlangan asarlar

3. 3. Issiqlik, harorat. Quyosh olovi. ▬ Quyosh osmondan olov quyyapti. S. Ahmad, Ta’zim
Huvullagan tunday yolg‘izlik qursin, Yolg‘iz chaqmoqtoshdan chiqmaydi olov. Ch. Ergash, Orzuning og‘ir kipriklari
Yo‘lchi quyoshning olov selida cho‘milib, to‘nka kovlar edi. Oybek, Tanlangan asarlar

4. ko‘chma hma G‘ayrati ichiga sig‘maydigan, yuragida o‘ti bor, jo‘shqin. Olov yigit. ▬ Sinfning eng sho‘x, olov o‘quvchisi Sanjar bo‘lsa, og‘zini katta ochgancha, Oysha xolaga tikilib qoldi. S. Zunnunova, Ko‘k chiroqlar
O‘ziyam desangiz, otinoyisi, olov. Na bir qo‘rqishni biladi, na bir narsadan man tortishni. Sh. Toshmatov, Erk qushi

5. 5. Jo‘shqin tuyg‘u, hissiyot. Shuncha tutqun bo‘lishiga qaramasdan, bu qizning qalbiga muhabbat olovi allaqachon tushgan edi. S. Zunnunova, Olov
Isfandiyorning injiq va xudbin ko‘nglida o‘ch olovi yonardi. S. Siyoyev, Avaz