Lug‘atlar

So‘z tarkibi: {ista} - moq ( Fe’lga qo‘shiluvchi lug‘aviy shakl yasovchi ∈ Lug‘aviy shakl yasovchi )
So‘z bo‘g‘inlari: is-ta-moq
Izoh(lar)i:
ista fl

1. 1. Ixtiyor etmoq; xohlamoq. Ko‘nglingiz nima istaydi? Istagan narsangiz topiladi. Men sizni ranjitishni istamayman. ▬ Xayribibi, Komiljonning onasi — Mehrixonni qo‘msab, hasratlashib o‘tirishni istab qoldi. D. Nuriy, Osmon ustuni
Lekin Gulchehra Sulton bilan Dilbar o‘rtasida g‘ov bo‘lishni sira-sira istamasdi. M. Xayrullayev, Tilla marjon

2. shv. hv. Axtarmoq, izlamoq, qidirmoq. Siz kimni istab edingiz? ▬ Zar qadrini biladi zargar, Koshki zargar bo‘lsa jononim; Zo‘r mashaqqat bo‘lsa ham agar, Istab kelsa meni mehmonim. Yo. Mirzo
yonidan papiros chiqardi-yu, cho‘ntagini kovlab, gugurt istab qoldi. S. Ahmad, Saylanma

Antonim(lar)i: mavjud emas.
Sinonim(lar)i: izlamoq , axtarmoq , orzulamoq , sog‘inmoq , tilamoq , tusamoq , xohlamoq , orzu qilmoq , ixtiyor qilmoq
Omonimlari: mavjud emas.
Paronimi: mavjud emas.
Qomus: mavjud emas.
Ibora(lar): mavjud emas.

1. Istamoq – xohlamoq – tusamoq – orzulamoq – orzu qilmoq – tilamoq – ixtiyor qilmoq – sog‘inmoq
Bo‘yog‘iga ko‘ra
(bo‘yoqdorlik belgisining ortib borishiga ko‘ra )

2. Qistamoq – zo‘rlamoq – majburlamoq – majbur qilmoq
Bo‘yog‘iga ko‘ra
(belgini kuchli-kuchsiz darajada ifodalashiga ko‘ra)

Milliy bo‘yoqdor so‘z: mavjud emas.