1. 1. Chuchuk suv havzalarida yashovchi, yirtqich yoki parazit holda kun kechiruvchi halqali chuvalchanglar vakili. Tibbiyot zulugi. Zuluk qo‘ymoq. ▬ Zuluk kichkina jonivor bo‘lib, qonni so‘rish uchun xizmat qiladi. N. Ismoilov, Kasallarni parvarish qilish
Suvdan chiqqan zulukday, Qosh-u ko‘zi pilikday Kelin poshshaga salom. Oq olma, qizil olma

2. ko‘chma hma Birovlar hisobiga yashovchi, ochko‘z, tekinxo‘r, shafqatsiz odam. Xon — jallod, qozikalon — o‘rgimchak, yasovulboshilar esa zuluk edi. J. Sharipov, Xorazm

3. ko‘chma hma Zuluk kabi qop-qora. Onasi uning [Saltanatning] zuluk qoshlariga, to‘lishgan dudoqlariga, yuzlariga mamnun tikilib o‘tirdi. S. Nurov, Narvon