1. Turgan-bitgani zahardan iborat bo‘lgan, zaharlaydigan. Zaharli modda. Zaharli gaz. ▬ Mashina terimiga ajratilgan paxta maydonlari begona o‘tlardan tozalanmagan zaharli ximikatlar tashib olinmagan. Gazetadan

2. Tarkibida zahari bor. Zaharli ilon. Zaharli o‘simlik. ▬ Qora ilon [o‘z] tutgan o‘ljasini maxsus zaharli tishlari bilan o‘ldiradi. Zoologiya

3. Zahar surtilgan, zahar qo‘shilgan. Zaharli nayza. Zaharli o‘q.

4. ko‘chma Kishiga nayzadek, o‘qdek botadigan; achchiq, kinoyali. Zaharli gap. Zaharli maktub. ▬ — Onajon, — dedi Otabek, — sizning zaharli so‘zlaringizga nima deyishga ham hayronman A. Qodiriy, Utgan kunlar