1. 1. Kishilarning bor yoki yo‘qligini bilish uchun ro‘yxat bo‘yicha ularning ism va familiyasini aytib chaqirish. Yo‘qlama qilmoq. ▬ Bir kun, jangdan chiqib dam olayotgan bir bo‘linmaga borib qoldim, shu vaqt rotalarning birida kechki yo‘qlama bo‘layotgan edi. Z. Fatxullin, So‘nmas yulduz
Muallim yo‘qlamani qilib bo‘lgach: — O‘tgan darsda qaysi mavzuni o‘tgan edik? — deb so‘raydi X. To‘xtaboyev, Shirin qovunlar mamlakati

2. esk. sk. Maktabda sinf jurnali. Bunda [darsda] 6-8 bola baholanib, ularning bahosi yo‘qlamaga va kundalikka qo‘yiladi. Y. Abdullayev, Dars yuzasidan bahoni qanday qo‘yish kerak?
Hamshira erinib, oldidagi yo‘qlamaga o‘xshagan daftarni ochdi. F. Musajonov, Himmat