1. Yerning Quyosh atrofida bir marta aylanib chiqish muddati; o‘n ikki kalendar oyiga teng vaqt, shunday vaqtga teng o‘lchov.
Bu yil yog‘in-sochin ko‘p bo‘lib, yer-ko‘k chamanday yashnab ketdi.
S. Siyoyev, Yorug‘lik
2. Biror hodisa, voqea yuz bergan kundan boshlab o‘tgan o‘n ikki oylik vaqt.
Uchinchi otam bilan ikki yilcha yaxshi turishdi.
O‘. Hoshimov, Qalbingga quloq sol
3. O‘n ikki oylik vaqt bilan hisoblanadigan kalendar tizimi.
Milodiy yil. Hijriy yil. Kabisa yili. Quyosh yili. Oy yili. Qamariya yil hisobi.
-
4. astr.Biror planetaning Quyosh atrofida bir marta aylanishida o‘tadigan muddat.
Zuhra yili (225 sutkaga teng).
-
5. tar.Muchal yil hisobida o‘n ikki muchalning har biri (Tafsilotlar muchal so‘zi izohida keltirilgan.
Bu yil it yili ekanmi, bilmayman. Kulollikda ham meni itlar tinchitmadi.
G‘. G‘ulom, Shum bola
6. eti. q.Yil oshi.
Xaldorbekovning yili o‘tar-o‘tmas, boyvachchaga kenja xotin bo‘lib tushgani mahalla-ko‘y o‘rtasida ancha noxush gap-so‘zlar uyg‘otgan edi.
K. Yashin, Hamza