1. 1. Biror istakning amalga oshishiga bo‘lgan ishonch; ishonch bilan kutish; e’tiqod. Sizdan umidimiz katta. Sendan umidim shumi? ▬ Taassufki, otamning Azizbekdan bo‘lgan umidi bo‘shga ketdi. A. Qodiriy, O‘tgan kunlar
Bu kambag‘alchilik yorug‘ dunyodan bo‘lgan umidimizni emas, yorug‘ dunyodan bo‘lgan umidimiz bu kambag‘alchilikni yeb, kemirib tashlayotipti. A. Qahhor, Qo‘shchi-nor chiroqlari

2. 2. Biror narsa qilishga, biror narsaga erishishga bo‘lgan ichki intilish, ichki hissiyot; istak, orzu, niyat. Hayotni bilish va undan o‘zining loyiq o‘rnini topishga intilish — har bir kishining umidi. Shuhrat, Shinelli yillar
O‘zganiki bo‘lsa ham, o‘g‘il qilib olaylik, degan umidda bola qidirib yuribmiz. I. Rahim, Chin muhabbat
Qizga ota-onasi katta umid bilan Subh deb nom qo‘ygan ekanlar. Mirmuhsin, Al Mahdiy

3. 3. Umid bog‘lamoq Orzu qilgan narsaning amalga oshishiga, bunda birovning ko‘magiga umid bilan qaramoq. — Kim agar g‘alabaga umid bog‘lasa, albatta, g‘olib keladi, — dedi Jo‘raxon. Nazarmat, Jo‘rlar baland sayraydi
Bobur mirzo hali yoshlar. Men ham shu zotga umid bog‘lagan edim P. Qodirov, Yulduzli tunlar

4. 4. Umid (erkaklar ismi).