1. kt. kt. 1 Biror joydan, masalan, yerning sathidan ancha pastga — chuqurlikka o‘tib kirgan yoki ancha pastdan — chuqurlikdan boshlanadigan; chuqur, cho‘nqir. Yerning teran qatlamlari. Teran daryo. Teran quduq. Teran buloq. ▬ Uning [M. Qosimovning] qiyofasi va yurish-turishiga sahro sokinligi, teran qatlamlardan nam yuqi topib asta so‘radigan chayir saksovul tomirlarining to‘zimliligi asar qilganga o‘xshardi. A. Muxtor, Davr mening taqdirimda

2. ko‘chma hma Mazmun-mohiyat jihatidan keng qamrovli, chuqur, kuchli. Teran fikr. Romanning teran mazmuni. ▬ Onalar, faqat mas’ud onalargina go‘dak yig‘isidagi teran ma’nolarni anglay olishi mumkin. E. Oxunova, Hayot gullari
Ikki ko‘zim sening yo‘ling-da, O‘zim teran xayolga botdim. G‘. Shodi
Qalbimni allaqanday tiniq, teran bir mung chulg‘ab oldi. O. Yoqubov, Yalayman
Xalq hayotini g‘oyatda teran tasvirlay bilish muallifdan katta iste’dod talab etadi. Gazetadan