1. Biror tomonning tarafini oluvchi; tarafdor. Bedana egalari va ularga pul tikkan tarafkashlarning ko‘zlari ola-kula, yuraklari taka-puka bo‘lib, nafaslari ichiga tushib ketdi. M. Muhammadjonov, Turmush urinishlari

2. Qarshi chiquvchi, kurashuvchi, bellashuvchi; talabgor. — Burgutning yigitlari hali kurashda yelkasi yer ko‘rmagan polvonlar. Hozir bu polvonlarga Farg‘ona tomonda tarafkash yo‘q, — dedi yigit. S. Ahmad, Cho‘l burguti

3. Taraf-bataraf bo‘lib kurashuvchi; guruhboz. Mening qishlog‘imda tarafkashlar ko‘p. Bir-birini kovlaydi. P. Tursun, O‘qituvchi