1. Shov va shunga yaqin tovushni bildiradi. Novdan oqib tushayotgan suvning shov-shuvi dilrabo nag‘malarday yoqib ketdi. Sh. Toshmatov, Erk qushi
2. G‘ala-g‘ovur, shovur-shuvur, shovqin. Ular vokzalning oldida qator tizilib turgan Pobedalarning biriga o‘tirib, shaharning shov-shuvga to‘la gavjum ko‘chalaridan uchib ketdilar. O. Yoqubov, Ota
3. Mish-mish gap, ovoza. Bu voqea haqida shov-shuvlar yuribdi. Shov-shuv gap tarqatmoq.◆Domla o‘ylanib qoldi-da, anchadan keyin dedi: — Qishloqda shunday shov-shuv bor emishmi? A. Qahhor, Sarob
4. Biror hodisa, kimsa yoki narsaga o‘ta qiziqish tufayli yuz beradigan qizg‘in muhokama, munozara, har xil gap-so‘z. Sultonova zvenosining bu g‘alabasi katta shov-shuvlarga sabab bo‘ldi. N. Safarov, Oliyaxon Sultonova
1. Shovqin – shovqin-suron – suron – shov-shuv – g‘ovur – g‘avg‘o – g‘ala-g‘ovir – qiy-chuv – dod-voy – ayyu-hannos Bo‘yog‘iga ko‘ra (belgini kuchli ifodalashiga ko‘ra)