1. 1. Faxrlanishga arziydigan narsa, yuksak qoniqish hissi; baxt, faxr, iftixor. Shodlik bilan tug‘ilib, sharaf-u obro‘ bilan o‘tmoq — inson uchun baxt. Mirmuhsin, Me’mor
Katta bilim dargohining talabasi bo‘lishdek sharafga muyassar bo‘ldim. Gazetadan
Turkiston musulmonlarining huquqlarini mudofaa eta biladigan to‘rt-besh arbobi siyosat yetishsa, biz uchun sharaf emasmi? Oybek, Tanlangan asarlar

2. 2. Biror ijobiy xislat, xizmat yoki talant tufayli xalq orasida taratilgan dong; shuhrat, shon. Paxtakor qahramonlarga shon va sharaflar bo‘lsin! ▬ Yuksak oq oltin xirmoni bunyod etish uchun kurash — sharaf, obro‘ uchun kurashdir. Gazetadan
Abdurahmonning otasi ulamo naslidan, ammo bu sharaf nima sabab bilandir uning otasiga nasib bo‘lmagan. A. Qodiriy, Mehrobdan chayon

3. 3. Sharaf (erkaklar ismi).