1. Tomosha ko‘rsatiladigan joyda, teatr, kinoteatr, konsert zali va shu kabi tomoshaxonalarda spektakl, kino qo‘yiladigan baland joy. Teatr sahnasi. Sahna darpardasi.◆Qorong‘ilik sekin yorishib, sahnada harir kiyimlarga o‘ralgan raqqosa Malak xonim paydo bo‘ldi. Mirmuhsin, Yo‘qolgan javohir

2. Umuman, teatr xizmati, teatrdagi faoliyat. Umrini sahnaga bag‘ishlamoq.◆Uning yoshi ellikdan oshib, dam olish payti yaqinlashsa ham, shu bolalarni boqish, tarbiyalash uchun, ularning kelajagi uchun yana sahnaga qaytdi. Gazetadan

3. Badiiy asardagi ayrim qism-voqea, epizod. Uchrashuv sahnasi.◆— Xo‘sh, to‘y sahnasini yana bir marta takrorlaymiz, — dedi ko‘zoynakli rejissyor. Gazetadan