Lug‘atlar

So‘z tarkibi: {qidir} - moq ( Fe’lga qo‘shiluvchi lug‘aviy shakl yasovchi ∈ Lug‘aviy shakl yasovchi )
So‘z bo‘g‘inlari: qi-dir-moq
Izoh(lar)i:
qidir fl

1. 1. Topish uchun urinmoq, topishga harakat qilmoq; axtarmoq, izlamoq. Yo‘qolgan kitobni qidirmoq. Do‘stini qidirmoq. ▬ Hayot shoxlarga tikilib qaradi. U ovoz egasini tanigan, taniganini qidira boshlagan edi. M. Ismoiliy, Farg‘ona tong otguncha
Qutbiddin to‘xtab, shu atrofda tunab qolishga yaraydigan joy qidira boshladi. S. Karomatov, Oltin qum
Huri gapni cho‘zish uchun hovliqib, mavzu qidira boshladi. F. Musajonov, Huri

2. 2. Qidirish, izlash ishlari olib bormoq, tadqiq etmoq. Yangi konlar qidirmoq. Kosmosni zabt etish yo‘llarini qidirmoq.

3. 3. Topish, erishish o‘y-xayolida, ishtiyoqida, yo‘lida bo‘lmoq. Baxt qidiribsanmi, uni faqat mehnatdan topasan. Sh. Rashidov, Bo‘rondan kuchli
Haligi men aytgan o‘rtog‘imning ota-onalari orzu-havas qidirib, bechora qizlarini qaritib qo‘ydilar. A. Qodiriy, O‘tgan kunlar

4. shv. hv. Sayr-sayohat qilmoq. Sayr etib-qidirib, dunyoni kezib, So‘z aytib, Moskvada yurgan Jambuldir, Fozil Yo‘ldosh o‘g‘li

Antonim(lar)i: mavjud emas.
Sinonim(lar)i: izlamoq , axtarmoq
Omonimlari: mavjud emas.
Paronimi: mavjud emas.
Qomus: mavjud emas.

1. qora po‘stakdan burga qidirmoq: kim Bajarilishi qiyin, mahol bo‘lgan ishga kirishmoq, hal bo‘lmaydigan ishga behuda vaqt sarflamoq.

Darajalanish qatori: mavjud emas.
Milliy bo‘yoqdor so‘z: mavjud emas.