1. 1. Og‘riqli zirqiroq tutmoq, sirqiramoq. A’zoyi badanim qaqshayapti. ▬ Lo‘q-lo‘q qaqshayotgan chakkalaridagi og‘riq bosildi S. Nurov, Narvon
Oyoqlari zir qaqshar, bir qadam bosishga ham madori kelmas edi. M. Mansurov, Yombi

2. ko‘chma hma Azob-uqubatli, mashaqqatli holatda bo‘lmoq, shunday holatni kechirmoq. U bechora, yoshligi ming xil azoblar bilan qaqshagan, xo‘rlangan, bechora xalqning bu qadar ishonch va ehtiromini hech vaqt xayoliga keltirganmikin? A. Muxtor, Qoraqalpoq qissasi
Ezilgan, qaqshagan, och-u yalang‘och, Xamita bir g‘aribparvarga muhtoj. Habibiy

3. 3. Zir-zir titramoq, qaltiroq tutmoq; qaltiramoq. labi labiga tegmay titrar, a’zoyi badani bezgak tutganday qaqshardi. J. Abdullaxonov, Xonadon

4. 4. Qurib, qaqrab qolmoq, qurib qoq bo‘lmoq. Bochka qurib, qaqshab ketibdi. ▬ Qorako‘l daryosi qurib, qaqshab yotibdi. J. Abdullaxonov, To‘fon

5. ko‘chma hma Achinib, yolvorib yoki xafa bo‘lib, ko‘p gapirmoq. Qaqshab gapirmoq. Ko‘p qaqshadim, so‘zimga kirmadi. ▬ Xadicha buvi ichkariga kirdi-yu o‘sha yerda qaqshab, qarg‘ab o‘tirdi. M. Ismoiliy, Farg‘ona tong otguncha

6. 6. Achinarli, zor holatga tushmoq. Qon qora qaqshamoq. Juda xunuk ish bo‘ldi-da. ▬ Karima opa qaqshab yig‘layotgan o‘g‘lini yotog‘iga olib kirib yotqizdi. M. Ismoiliy, Bizning roman
[Qizning] Onasi zor qaqshab, qidirib yurgandir. S. Ahmad, Lochin
Bechora uvol ketibdi. Ota-onasi qaqshab qolibdi-da, attang, attang! O‘. Umarbekov, Yoz yomg‘iri