1. 1. O‘siq junli oshlangan teridan iborat to‘shak. Ayiq po‘stagi. Echki po‘stagi. ▬ Elchi va uning mulozimlari ham qator qilib solingan po‘staklar ustiga o‘tirdilar. M. Osim, Karvon yo‘llarida O‘rtaga bir yashikni xontaxta o‘rniga qo‘yib, atrofiga po‘staklar soldi. H. Nazir, Yonar daryo
2. ko‘chma hma Qo‘lidan ish kelmaydigan, hech narsada yo‘q, eplay olmaydigan, kaltafahm. E, nima qilaman o‘sha po‘stakni? A. Obidjon, Akang qarag‘ay Gulmat Bu o‘zi po‘stak, dadamlarning obro‘sini qilib, maktabda unga baho qo‘yishgan. Mirmuhsin, Ildiz va yaproqlar
1. qora po‘stakdan burga qidirmoq: kim Bajarilishi qiyin, mahol bo‘lgan ishga kirishmoq, hal bo‘lmaydigan ishga behuda vaqt sarflamoq.