1. 1. Belgili miqdordan ortiq; ko‘p. Ortiqcha pul. Ortiqcha xarajat.

2. 2. Keragidan, yo‘l qo‘yilishi mumkin bo‘lganidan ortiq, haddan ziyod. — Meni ortiqcha izzat-u ikrom qilib, noqulay ahvolga solyapsizlar, — dedi Umid. Mirmuhsin, Umid
Sodda odam ortiqcha xursandchilikdan ham o‘zini yo‘qotib qo‘ysa ajab emas. P. Tursun, O‘qituvchi
Erining bu so‘ziga O‘zbek oyim ortiqcha qizishadi, labi-labiga tegmay bobillab beradi. A. Qodiriy, O‘tgan kunlar
Bizniki [tomorqa] normadan uch hissa ortiqcha. Oybek, Oltin vodiydan shabadalar

3. 3. Keraksiz, foydasiz. Ortiqcha gap. ▬ Nazokatga bolalari yo‘g‘ida ermak bo‘lgan Nazmi keyinchalik ortiqcha bo‘lib qoldi. Shuhrat, Umr pog‘onalari
Qirqilgan qulog‘i tep-tekis bo‘lib ketgan, bu uning [Qulmat qorining] silliq kallasiga shunday yarashganki, sog‘ qulog‘i xuddi ortiqchaday ko‘rinardi. A. Muxtor, Opa-singillar
Hasanali endigi o‘tirishni ortiqcha topib, o‘rnidan turdi. A. Qodiriy, O‘tgan kunlar