Lug‘atlar

So‘z tarkibi: {maxsus}
So‘z bo‘g‘inlari: max-sus
Izoh(lar)i:
maxsus ys

1. 1. Biror ish yoki narsaga xos bo‘lgan, biror ish yoki maqsad uchun belgilangan. Maxsus ko‘rsatma. Maxsus topshiriq. Maxsus komissiya, ▬ Bo‘zagar Otabekni oddiy bo‘zaxo‘rlar yoniga o‘tqazmay, o‘zining maxsus hujrasiga olib kirar edi. A. Qodiriy, O‘tgan kunlar

2. 2. Ataylab, alohida maqsad bilan. Munis xon, albatta, bu gaplarni maxsus Saidiyni xursand qilish uchun yetkazmaydi. A. Qahhor, Sarob

3. 3. Biror ixtisosga mansub bo‘lgan, ixtisoslash(tiril)gan. Maxsus ta’lim. Maxsus o‘quv yurtlari. ▬ Hozir maktabdagi o‘qituvchilar oliy va maxsus ma’lumotga egalar. N. Safarov, Olovli izlar

Antonim(lar)i: mavjud emas.
Sinonim(lar)i: ataylab
Omonimlari: mavjud emas.
Paronimi: mavjud emas.

Maxsus ensiklopedik lug‘at –fan-texnika, san’at va madaniyatning ma’lum bir sohasiga oid tushunchalarni shu soha qiziquvchilari va mutaxassislari uchun mo‘ljallab tavsiflaydi. Bunday lug‘atlar sifatida soha ensiklopedik lug‘atlari – «Meditsina ensiklopediyasi», «Fizicheskiy ensiklopedicheskiy slovar», «Lingvisticheskiy ensiklopedicheskiy slovar» va qo‘lingizdagi lug‘atni misol qilish mumkin. Umumiy ensiklopedik lug‘atdan farqli ravishda maxsus ensiklopedik lug‘atlar tor sohaga doir tushunchani keng va batafsil sharhlaydi. Mas., rus tilida yaratilgan «Lingvisticheskiy ensiklopedicheskiy slovar »da shunday deyiladi: «Bu lug‘at turli ixtisosliklardagi filolog-tilshunoslar va ilmiy xodimlarning keng doirasiga, shuningdek, tilshunoslik bilan yaqin bo‘lgan soha – psixologiya, mantiq, falsafa, etnografiya va adabiyotshunoslik sohalari mutaxassislariga mo‘ljallangan.

Maxsus filologik lug‘at– tor o‘quvchilar ommasi, tilshunoslik bilan shug‘ullanuvchi va boshqa ayrim ilmiy tadqiqotchilarga mo‘ljallangan lug‘at turi. O‘zbek tilining morfem, chastotali, ters, o‘zlashma so‘zlar, frazeologizmlar, sinonimlar, antonimlar, omonimlar, dialektizmlar, terminologik, etimologik lug‘atlari shular jumlasidan.

Ibora(lar): mavjud emas.
Darajalanish qatori: mavjud emas.
Milliy bo‘yoqdor so‘z: mavjud emas.