1. beliga tepdi: xalaqit berdi

2. gah desa qo‘liga qo‘nadigan qilib olgan: juda itoatkor qilib olgan

3. joni holiga qo‘ymaslik: 1)tinchlik bermaslik 2)xohishiga zid holda majbur qilish

4. jon-u holiga qo‘ymaydi: tinchlik bermaydi

5. ko‘ngliga g‘ashlik soldi: tashvish qilishiga sabab bo‘ldi, tashvishli holatga qo‘ydi

6. ko‘ngliga g‘ashlik tushdi: o‘z -o‘zicha tashvish qildi

7. ko‘ngliga g‘ashlik tushgan: 1)qiziqishi yo‘qoldi, zeriktirdi 2)jirkanish hissini uyg‘otdi, bezdirdi

8. ko‘ngliga keldi: 1)o‘zicha o‘yladi 2) biror munosabat bilan aytilgan gapni yoki qilingan harakatni og‘rinib qabul qildi 3)hohladi

9. ko‘ngliga qo‘l soldi: eng yashirin fikr-o‘yini bilishga harakat qildi

10. ko‘ngliga sig‘maslik: diqqatlik, xafalik tufayli mashg‘ul bo‘lolmaslik

11. ko‘ngliga tegdi: 1)yoqmay qoldi, tanasi qabul qilmay qo‘ydi 2)yoqtirmaslik hissi uyg‘ondi

12. ko‘ngliga tugdi: 1)o‘rni kelganda aytishni mo‘ljallab qo‘ydi 2)ahd qildi 3)fikran belgilab qo‘ydi 4) unutmay ichda saqladi

13. ko‘ngliga urdi: 1)qiziqishi yo‘qoldi 2)jirkanish hissini uyg‘otdi, bezdirdi

14. ko‘ngliga vahima soldi: kuchli darajada qo‘rqish hissini uyg‘otdi

15. ko‘ngliga vahima tushdi: kuchli darajada qo‘rqish hissi uyg‘ondi

16. miyasini qoqib, qo‘liga berdi: so‘rayverib miyasini charchatdi, sergapligi bilan bezdirdi

17. tiliga burov solmoq: gapirish imkoniyatidan, huquqidan mahrum qilmoq, gapirtirmay qo‘ymoq.

18. tiliga tushdi: 1) ko‘pchilik orasida gap-so‘z bo‘ldi 2) shuhrat qozondi

19. vasliga yetmoq: Visoliga erishmoq; yetishmoq

20. xayoliga keldi: 1)o‘yladi, idrok qildi, fahmladi 2)xotirasida tiklandi

21. yo‘liga ko‘z tutmoq: kelib qolar degan umidda kutdi

22. zig‘ir yog‘day ko‘ngliga urmoq: qiziqishi yo‘qoldi, jirkanish hissini uyg‘otdi, bezdirdi