1. Urug‘ yoki qalamchadan o‘sib chiqqan yoki o‘stirilgan va boshqa joyga olib o‘tqaziladigan nihol. Olma ko‘chati. Tut ko‘chati. Rayhon ko‘chati. Pomidor ko‘chati. Atirgul ko‘chati. Ko‘chat o‘tqazmoq. ▬ Mana shu anjirning ko‘chatini [raisimiz] Oqqo‘rg‘ondan oldirib keldi. A. Qahhor, Kartina
Bu oyning yana bir go‘zal fazilatlaridan biri shuki, bu davrda kuzgi ko‘chat o‘tqazish qizg‘in pallaga kiradi. Gazetadan
[Anvar] Bolalarning daragi bilan har kimning uyida bo‘lgan yangi gullardan ko‘chat va urug‘ olib, yildan-yilga gulzorni boyitdi. A. Qodiriy, Mehrobdan chayon

2. Umuman, yosh nihol. Ko‘m-ko‘k g‘o‘za ko‘chatlari, oftobda yoyilgan tamaki barglaridek, orqama-orqa tizilishib turardi. Gazetadan