1. Poliz ekini, rezavorning bir turi va shu ekinning barglari o‘ramidan hosil bo‘lgan boshi, hosili. Karam ko‘chati. Karam tuzlamoq. Karam sho‘rva. Karam do‘lma. ▬ Butun oilasi bu yerga pomidor, piyoz, rediska, karam va hokazo rezavor ekib, mumkin qadar eldan burunroq bozorga chiqarib, pul qilishga tirishar edi. Oybek, Tanlangan asarlar

2. kt. Marhamat, muruvvat, himmat. [Shohmurod:] Tangrining karamiga sig‘inib, ularni Astrobod tomonga jo‘natdim, Xudoyim lutf qilsa, biron ish qilib kelarlar. S. Ayniy, Qullar
Mehnatda bo‘lur ahli zamonning karami, Ham dabdabali to‘y-u imorat, hashami. Habibiy