1. 1. Issiq va sovuq; har xil darajadagi havo sharoiti. O‘lim yetib keldi. U eng avval suyaklari juda mo‘rt va etlari issiq-sovuqqa chiniqmagan go‘dakni nishonga oldi. P. Tursun, O‘qituvchi
Och qolib, issiq-sovuq demay kurashganimizni farovon turmushni orzu qilganimizni xotirlashdi. K. Yashin, Hamza

2. 2. Ko‘chma Hayotning yaxshi-yomon, og‘ir-yengil kunlari, har xil sharoitlari. Yusufbek hojining: — O‘g‘lim yosh, sen dunyoning issiq-sovug‘ini totigan va mening ishongan kishimsan — deb ta’kidlashi quloqlari ostida takrorlangandek bo‘lar edilar. A. Qodiriy, O‘tgan kunlar
[Boshliq] Qirq beshlar chamasida, ancha pixi qayrilgan, issiq-sovuqni boshdan kechirgan. S. Abdulla, Kuyovlar, kelinlar

3. 3. Issiq va sovuq taomlar, kundalik yeyiladigan, ichiladigan narsalar. Temir polvonning o‘g‘il-qizlari ahyon-ahyon uning issiq-sovug‘idan xabar olib turishardi. Q. Kenja, Notanish gul

4. etn. tn. Kishini go‘yo biror kimsaga isitadigan yoki undan sovitadigan amal, duo va shu kabilar narsalar. Dala-yu dashtlarda odamlarni kuf-suf qilib, ezibichki yozib berib, issiq-sovuq qilib, binoyidek tirikchilik qilib yuribman. G‘. G‘ulom, Shum bola
Keyingi qildirgan issiq-sovug‘i kor qildi, shekilli, birato‘lasiga Marg‘ilonni tiliga olmayoq qo‘ydi. A. Qodiriy, O‘tgan kunlar