1. 1. Kayf beradigan ichimlik, spirtli ichimlik. Tantiboyvachcha kechagi bazm va ichkilik kayfini butun kun cho‘zilgan uyqu bilan tiniqtirib, qo‘rg‘on eshigidan bog‘ tashqarisiga chiqdi. Oybek, Tanlangan asarlar
Otabek ichkilikdan qattiq hazar qilar va bu kungacha mayni o‘ziga dushman kabi ko‘rib kelar edi. A. Qodiriy, O‘tgan kunlar

2. 2. Kayf qiluvchi ichimlik bilan mashg‘ullik, ichkilik ichish; ichkilikbozlik. Har kuni mehmon, har kuni tashqarida ichkilik, shovqin-suron bilan vaqt kechiradi. Oybek, Tanlangan asarlar.