1. 1. Pishib yetilmagan, xom (ho‘l meva, qovun-tarvuz va shu kabilar haqida). G‘o‘r uzum. G‘o‘r olma. ▬ — Yo‘q, [qovun] g‘o‘rroq chiqdi, o‘zingiznikini so‘ying, — dedi Komila, chindan ranjib. Oybek, Oltin vodiydan shabadalar

2. ko‘chma hma Qiyomiga yetkazilmagan, pishiq ishlanmagan, xom. G‘o‘r asar. G‘o‘r she’r. ▬ Ba’zan gazetalarimizda g‘o‘r, shablon, kishilarni zeriktiradigan materiallar ham bosiladi. Gazetadan

3. ko‘chma hma Hayot tajribasi kam, turmush qiyinchiliklarini ko‘rmagan. G‘o‘r bola. ▬ Bunday g‘o‘r xodimlarni ancha-munchasini uchratgan Tolib aka boshqacha yo‘l tutdi. F. Musajonov, Himmat
Mutaxassislarimizning ham aksariyati kam tajriba, o‘qishni yaqinda bitirgan g‘o‘r yoshlar edi. H. Nazir, O‘tlar tutashganda