1. Harbiy saf yoki kolonna va uning qo‘mondonga qarab turgan old tomoni.

2. Jang harakatlari bo‘layotgan hududning, maydonning dushmanga qarab turgan old tomoni, jang maydoni. Onaning uch o‘g‘li — ko‘zining oq-qoralari frontdan qaytmadi. Guldasta

3. Bevosita urush, jangning o‘zi. Front Bektemirga dastlab uncha vahimali ko‘rinmadi. Oybek, Quyosh qoraymas

4. Urush vaqtida harakatdagi armiyaning bir qo‘mondon rahbarligi ostidagi eng yirik guruhi — oliy operativ-strategik birlashma. Mirzayev G‘arbiy frontning o‘zida uchta xat, ikkita sovg‘a olgan edi. A Qahhor, Ko‘k konvert

5. Ommaviy harakatlar maydoni, shuningdek, biron-bir ish, faoliyat sohasi. Mehnat fronti. Bu yer front! Paxta fronti! Dangasalik qilgan odam shafqat kutmasin. O‘. Hoshimov, Qalbingga quloq sol