1. Biror narsa yoki joyga (makonga) nisbatan yo‘nalishdagi joy, makon; taraf.
To‘rt tomon qum, xayriyat, bunda hech kim eshitmaydi.
Mirmuhsin, Me’mor
2. O‘zaro nisbatda, munosabatda bo‘lgan shaxs yoki shaxslar guruhining har biri.
Abdurahmon yosh bola ekan, otasi o‘lib, onasi va ota tomonlari tarbiyasida qoldi.
A. Qodiriy, Mehrobdan chayon
3. (ko‘plik shaklida — tomonlar). O‘zaro muxolif, zid munosabatdagi shaxs yoki subyektlar.
Tomonlarni kelishtirmoq. Tomonlarning roziligini olmoq.
Gazetadan
4. Ish, narsa-hodisa, masala va shu kabilarning qirralari, qismlaridan biri; jihat.
Men ko‘lda cho‘kkanim, bolaning qutqargani qolib, boshqa tomonini aytdim.
H. Nazir, Yonar daryo
5. Tekislikdagi geometrik shakllarni hosil qiluvchi kesmalarning har biri.
To‘g‘ri to‘rtburchak tomonlari. Tomonlari teng uchburchak.
Gazetadan