1. 1. Tuzilishi, tarkibi jihatidan murakkab bo‘lmagan, oddiy.
Sodda mexanizm. Kimyoviy sodda moddalar.
2. 2. Yechilishi oson, yengil, jo‘n.
Sodda masala.
▬
Teshaboyning hisobi sodda: birga — o‘n!
M. Ismoiliy, Farg‘ona tong otguncha
3. 3. Tushunilishi oson, ravon.
Maqola ommabop, ravon va sodda tilda yozilgan edi.
F. Musajonov, Hikmat
Marshal aslida so‘z qidirmasdan, sodda va aniq iboralar bilan gapirsa-da, bu so‘zlarni ohista talaffuz etardi.
Gazetadan
4. 4. Ortiqcha bezagi yo‘q, juda ham oddiy.
Sodda uy.
▬
Soddagina chodirda yolg‘iz yashagan Navoiy dilgir, sertashvish edi.
Oybek, Navoiy
[Kumush] shu soddagina yasanishdan so‘ng ikkinchi tokchada tirog‘lik turgan ko‘zgu yoniga bordi.
A. Qodiriy, O‘tgan kunlar
5. 5. Ortiqcha takalluf yoki quvlik-shumlikni bilmaydigan; oddiy, kamtar, soddadil.
Sodda odam.
▬
Sherali bu sodda, samimiy qizning bolalarcha xatti-harakatini ko‘rib, taajjublandi.
S. Karomatov, Oltin qum
Sodda xotin erining kuyib-pishib aytgan bu gaplariga astoydil ishondi. Sirni birovga aytmaslikka va’da berdi.
S. Ahmad, Saylanma
Noyib kuldi: — Soddasan, Akbarali! Podsholik hamma vaqt yurtning obro‘li odamlarini himoya qiladi. Obro‘ davlat bilan topiladi, muni bilasan.
Cho‘lpon, Kecha va kunduz
6. 6. Go‘l, laqma.
Sodda siri — tilida, pismiq saqlar dilida.
Maqol
Men sodda shuning gapiga ishonib o‘tiribman.
A. Qahhor, Qo‘shchinor chiroqlari
7. 7. Soddalarcha qilingan, yuzaki.
Elmurod Tojiboyning sodda va beg‘ubor mulohazasidan zavqlanib kuldi.
P. Tursun, O‘qituvchi