Kontekst:
─ Muayyan xastalikni dorilar orqali muolaja qilish uni vaqtinchalik to‘xtatishi, simptomlarni yo‘qotishi mumkin, ammo kasallik negiziga ta’sir ko‘rsatmaydi. Natijada sal vaqt o‘tgach, xastalik yana takrorlanishi, surunkali ko‘rinishga o‘tib ketishi, achinarlisi, boshqa jiddiy kasalliklarni ham ergashtirib kelishi mumkin. Misol uchun, holsizlikka hech kim jiddiy e’tibor qaratmaydi. Bir uxlab tursam, o‘zimga kelaman, deb o‘ylaydi. Vaholanki, holsizlik to‘yib uxlash, vitaminlar qabul qilish bilan ham barham topmasligi mumkin. Agar u davolanmay qolaversa, immunitetning tushishiga sabab bo‘ladi, bu esa infeksion xastaliklarni yuqtirib olish xavfini paydo qiladi. Shu bois xastalik tibbiy muolajalar orqali shifo topmayaptimi, demak, ruhiyatni davolashga kirishish lozim. Lekin, albatta, birinchi navbatda organizmdagi o‘zgarishlar (shamollash), ovqatlanish va dam olish tartibi kabilarga ham e’tibor qaratish kerak. Isitma qirqqa chiqib turganda ruhiyatning sog‘ayishini kutib turish yaramaydi, tibbiy muolajaga murojaat qilinadi. Ruhiy davoni birinchi va asosiy planga olib chiqish emas, undan qo‘shimcha samara vositasi sifatida foydalanish lozim.
Manba:
| Nomi | Nega ba’zi kasalliklarda muolajalar naf bermaydi? |
| Muallif(lar)i | Kun.uz sayti |
| Yozilgan vaqti | 22.04.2021 |
| Internetga joylangan vaqti | 18.06.2019 |
| Kiritilgan vaqti | 22.04.2021 |
| Qo‘llanish sohasi | OAB |
| Matn tipi | |
| Uslubi | Publisistik |
| Auditoriya yoshi | |
| Auditoriyaning salohiyat darajasi | |
| NET-manzili | https://kun.uz/uz/news/2019/06/18/nega-bazi-kasalliklarda-muolajalar-naf-bermaydi |
| Ichki korpus turi | Ta’limiy korpus |
| Gap soni | 0 |
| So‘z(shakl) miqdori | 0 |
| Teglovchi | Operator |