Kontekst:
Umuman, u kishining maqtovga suyagi yo‘qroq edi. Baobro‘ bir zavodning tomir-tomirlaridan sanalib topgan izzat-e’tibori kamlik qilib qolarmidi, goh “yo‘ldan qo‘shilgan” tengdoshi Fidelning nomini tutib, goh to‘qson yashar mo‘ysafid, qo‘lida kapgir, nevara-chevaralariga palov yasab berib, evaziga maqtov kutib o‘tirar edi. Nevaralardan birortasi so‘roqsiz To‘ytepaga borib kelganini eshitsa bormi, “Nega buvasidan duo olmay ketadi!” deya besh kun g‘alva qiladigan izzattalab odam tantilikka qolganda tanti, mardlik desangiz chin mard edi. Farzandlar ardog‘ida taltayib, yiqqan-terganini duch kelgan joyda sarflab yuboraverardi. Yaqin-atrofda qurdoshi qolmagan, machitga qatnab orttirgan yosh-yalang bilan bab-baravar ulfatchilik qilar, ular bir bor cho‘ntak kavlaganda cholning hamyoni doim o‘rtada edi. “Zo‘rsiz, otaxon!” deyilsa bas!
Manba:
| Nomi | Fideldan salom |
| Muallif(lar)i | saviya.uz |
| Yozilgan vaqti | 24.03.2022 |
| Internetga joylangan vaqti | 24.03.2022 |
| Kiritilgan vaqti | 21.08.2023 |
| Qo‘llanish sohasi | OAB |
| Matn tipi | muhokama |
| Uslubi | Publisistik |
| Auditoriya yoshi | 18+ |
| Auditoriyaning salohiyat darajasi | omma uchun |
| NET-manzili | https://saviya.uz/ijod/nasr/fideldan-salom/ |
| Ichki korpus turi | Davriy nashrlar korpusi |
| Gap soni | 0 |
| So‘z(shakl) miqdori | 0 |
| Teglovchi | Operator |