Kontekst:
Navbatdagi bekatdan taxminan hali qirq yoshlarga yetmagan kishi chiqdi. Uning chehrasida quyoshning mehnati anchayin bilingan, ehtimol, shamol sababli yuzi «kampirqovun»ga o‘xshab chiziq-chiziq bo‘lib yorilgan. Yuz-qo‘lini yuvgan bo‘lsa-da, chakkasida ohakning izlari qolgan. Yonimdagi o‘rindiq bo‘sh bo‘lgani uchun surilib joy bo‘shatdim. Haligi kishi og‘ir sumkasini oldiga qo‘ydi va o‘zini o‘rindiqqa tashladi (Quruvchi bo‘lsa kerak, deya taxmin qildim). Eshitilar-eshitilmas qilib salom berib, derazaga yuzimni burdim. Saldan keyin mehnat zarbidan qabargan qo‘llaridagi olti-yetti yoshli bolalarga mo‘ljallangan kitoblar e’tiborimni tortdi. U kitoblarni juda ham asrar, ko‘zlarini undan uzmasdi. Bosh barmog‘iga bog‘langan dokadagi qon yuqi kitob muqovasiga tekkanini ko‘rib ancha kuyindi. Cho‘ntaklaridan dastro‘mol izlab topolmagach, ko‘ylagining sarg‘aygan yengi bilan tekkan qonni artdi. Biroz izi qolgandi, o‘zini «ovsar» deya koyidi. Dastro‘molimni uzatishga shaylandim-u, ko‘ngliga tegadimi deya fikrimdan qaytdim.
Manba:
| Nomi | Qahr va mehr |
| Muallif(lar)i | saviya.uz |
| Yozilgan vaqti | 24.03.2022 |
| Internetga joylangan vaqti | 24.03.2022 |
| Kiritilgan vaqti | 21.08.2023 |
| Qo‘llanish sohasi | OAB |
| Matn tipi | muhokama |
| Uslubi | Publisistik |
| Auditoriya yoshi | 18+ |
| Auditoriyaning salohiyat darajasi | omma uchun |
| NET-manzili | https://saviya.uz/ijod/nasr/qahr-va-mehr |
| Ichki korpus turi | Davriy nashrlar korpusi |
| Gap soni | 0 |
| So‘z(shakl) miqdori | 0 |
| Teglovchi | Operator |