Kontekst:
TOShKENT, 2-iyul — Sputnik. Ko‘p ayron ichadigan insonlarda disbakterioz kam uchraydi, deb yozmoqda Sog‘liqni saqlash vazirligi matbuot xizmati.Ta’kidlanishicha, ayron chanqoqni bosishi bilan birga, ishtahani ham ko‘taradi, ichak mikroflorasini tozalaydi, nafas olish va yurak-qon tomir tizimi faoliyatini yaxshilaydi, immunitet va asab tizimi uchun ham foydali.Shuningdek, ko‘p ayron ichadigan insonlarda disbakterioz kam uchrashi ham isbotlangan.Qayd etilishicha, bodring, selderey, qovun, tarvuz, apelsin kabi mahsulotlar ham chanqoqni yaxshi bosadi. Shuningdek, okroshka ham chanqoqni bosishi hamda u kerakli mikroelement va vitaminlarga boyligi ma’lum.Vazirlikning eslatishicha, yozda oziq-ovqat mahsulotlari va ichimliklar tarkibi tez buzilishi hisobiga, bozorlarda, yo‘l yoqalarida sotiladigan qo‘lbola hamda yaroqlilik muddati o‘tgan ichimliklarni ichish salomatlik uchun xavfli.
Manba:
| Nomi | Ko‘p ayron ichadigan insonlarda disbakterioz kam uchraydi — SSV |
| Muallif(lar)i | oz.sputniknews-uz.com |
| Yozilgan vaqti | 02.07.2023 |
| Internetga joylangan vaqti | 02.07.2023 |
| Kiritilgan vaqti | 21.08.2023 |
| Qo‘llanish sohasi | OAB |
| Matn tipi | muhokama |
| Uslubi | Publisistik |
| Auditoriya yoshi | 18+ |
| Auditoriyaning salohiyat darajasi | omma uchun |
| NET-manzili | https://oz.sputniknews-uz.com/20230702/ayron-disbakterioz-36479930.html |
| Ichki korpus turi | Davriy nashrlar korpusi |
| Gap soni | 0 |
| So‘z(shakl) miqdori | 0 |
| Teglovchi | Operator |