Lug‘atlar

So‘z tarkibi: {yurak}
So‘z bo‘g‘inlari: yu-rak
Izoh(lar)i:
yurak [yu-rak ]

1. anat.Odam va hayvonlar ko‘krak qafasi ichida joylashgan, ularning qon aylanish sistemasidagi muskul qopchiqqa o‘xshash markaziy a’zo. Kumushning harorati kuchli, yurak urishi favqulodda tez edi. A. Qodiriy, O‘tgan kunlar

2. ko‘chmaKishining his-sezgisi, ruhi, kechinmalarining ramziy markazi, ular saqlanadigan joy; qalb, dil. Yuragidagini dangal to‘kib solayotgan qizning haqqoniy so‘zlari Sherzod Qambarovichga og‘ir botardi. O‘. Usmonov, Sirli sohil

3. Qo‘rqmaslik, jasorat va shu kabilar ramzi. Obbo siz-e, hali shu yurak bilan yuribsizmi. Mushtum

4. ko‘chmaBiror narsaning asosi, markazi. Ha, ular Toshkent temir yo‘l ustaxonasi Turkistonda qo‘zg‘olonning yuragi ekanini tushunadilar. N. Safarov, Sharq tongi

5. s. t.Qorin, oshqozon. Uning yuragi g‘ijimlab og‘riyapti. -

Antonim(lar)i: mavjud emas.
Sinonim(lar)i: qalb [a], dil [f-t], ko‘ngil
Omonimlari: mavjud emas.
Paronimi: mavjud emas.
Qomus: mavjud emas.

1. qora yurak: garazgo‘y, buzuq niyatli

2. tosh yurak: rahm-shafqati yo‘q

3. yurak-bag‘ri ezilmoq: ruhan azoblandi

4. yurak-bag‘ri qon bo‘lmoq: 1)ziq bo‘ldi 2)ruhan azoblandi

5. yurakka sig‘armidi: diqqatlik, xafalik tufayli mashg‘ul bo‘lolmaslik

6. yurakni qitiqlamoq: Kishiga yoqib, shirin his-tuyg‘ular uyg‘otmoq, rohat baxsh etmoq, zavq-shavq bag‘ishlamoq.

1. Astoyidil – yurakdan – chindan
Bo‘yog‘iga ko‘ra
(qo‘llanish doirasining oz-ko‘pligiga ko‘ra)

2. Botir – jasur – dov yurak – qo‘rqmas – mard – yovqur
Bo‘yog‘iga ko‘ra
(tushuncha belgisini kuchli ifodalashiga ko‘ra)

Milliy bo‘yoqdor so‘z: mavjud emas.