1. 1. O‘simliklarning havodan oziqlanish va gaz almashinish uchun xizmat qiluvchi, odatda yupqa varaqcha shaklidagi asosiy vegetativ a’zolaridan biri; barg.
Yashil yaproqlar. Kuzgi yaproq. Gullar yaproq chiqardi. Daraxt — yaprog‘i bilan ko‘rkam, odam — mehnati bilan.
Maqol
Hademay karnaygullar iplarga chirmashib, katta-katta yaproqlar otdi.
A. Qahhor, Qo‘shchinor chiroqlari
Kuzdan darak beruvchi sarg‘aygan yaproqlar yo‘l ustida, ariq bo‘yida yotardi.
J. Sharipov, Saodat
2. 2. Bir bo‘lak yupqa narsa haqida.
Bir yaproq qazi.
▬
Holvafurush tokchadagi qalin bir kitobni ochib, uning orasidan bir necha yaproq yap-yangi, shaldiroq qog‘oz olib uzatdi.
Oybek, Navoiy