1. 1. Boshqalarga bildirilmaydigan, sir tutiladigan; yashirin, maxfiy. Ibrohim sulton Qora-ilon qulog‘iga shivirlab, xufiya topshiriqni ma’lum qildi. Mirmuhsin, Me’mor
— Amaki, tashqarida gaplashsak bo‘lmaydimi? — dedi qiz — Yo‘q, — dedi Jo‘ra qorovul, — xufiya gap bor. Yu. Shomansur, Qora marvarid

2. 2. Bildirmasdan buzuqilik qiluvchi; yashirin ravishda fohishalik qiluvchi. [Mastura:] Mening qo‘limdan besh yuzga yetib xufiyasi, satangi, akabachchalari chiqdi. Hamza, Paranji sirlari