Lug‘atlar

So‘z tarkibi: {ovoz}
So‘z bo‘g‘inlari: o-voz
Izoh(lar)i:
ovoz ot

1. 1. Gapirish, qichqirish, kuylash, sayrash paytida o‘pkadan chiqayotgan havoning urilishi bilan tovush paychalarining tebranishidan hosil bo‘ladigan tovush; sado, sas. Baland ovoz. Past ovoz. Mayin ovoz. Musichalarning kukulashgan ovozi eshitilar edi. ▬ Anvar Muqaddamning ovozini eshitib, burilib qaradi-yu, uning vahimadan katta-katta ochilib turgan ko‘zlarini qorong‘ilikda aniq ko‘rdi. O‘. Hoshimov, Qalbingga quloq sol
Bu yerda ming turli qushlar ming turli ovoz bilan sayrab, anvoyi gylJShp ochilib, atrini sochib yotgan ekan. S. Zunnunova, Olov

2. 2. Tovushning kuylashdagi past-balandlik, jarangdorlik darajasi. Ovozi yaxshi ashulachi. Ovozi o‘tkir. ▬ Sharofning qon bosimi kuchayib, yurak urishi avjiga yetgan payt direktor hamdardona ovozda dedi: — Tushunaman, hammamiz ham yoshlikda o‘t-olov bo‘lganmiz, ko‘zimizga fil ham chumolicha ko‘ringan. Yoshlik

3. 3. Vokal musiqa asarida har bir kuychi uchun belgilangan partiya. Ikki ovoz uchun yozilgan romans.

4. 4. Narsalarning urilishi yoki harakatidan chiqadigan tovush. Qarsak ovozi. To‘qmoq ovozi. Shamol ovozi. Momaqaldiroq ovozi. Soat ovozi. Dutor ovozi. ▬ Yigirma ol-tinchi ko‘pi tongotarda gumburlab chalina-yotgan karnay ovozidan uyg‘onib ketdim. X. To‘xtaboyev, Shirin qovunlar mamlakati
Uzoqdan har zamon to‘p ovozi eshitilar edi. A. Qahhor, Oltin yulduz

5. ko‘chma hma Fikr, mulohaza. Sharq yozuvchilarining ovozi. ▬ — Sizga o‘xshash dallollarga hojat yo‘q. Siz xalq bo‘ronini to‘smoqchimisiz? Ovozini bo‘g‘moqchimisiz? Oybek, Tanlangan asarlar

6. 6. Ichki his-tuyg‘ular nidosi, amri. G‘ulomjon yuragida portlagan g‘azab uvvosiga emas, insof ovoziga quloq soldi. M. Ismoiliy, Farg‘ona tong otguncha
Lekin qamoq ham shoirning irodasini bukolmadi, ovozini so‘ndirolmadi. Saodat

7. 7. Davlat va jamoatchilik tashkilotlarida saylov o‘tkazish yoki biror masalani hal qilishda saylovchilar yoki majlis ishtirokchilaridan har birining alohida fikri, o‘z fikrini bayon etish huquqi va usuli. Hal qiluvchi ovoz. Maslahat ovozi. ▬ Rais har ikkala taklifni o‘rtaga tashlaganda, Xolmatjon sakkiz ovoz ortiq oldi. S. Ahmad, Ufq

Antonim(lar)i: mavjud emas.
Sinonim(lar)i: nido [a], sado [a], sas , sazo [f], tovush , un
Omonimlari: mavjud emas.
Paronimi: mavjud emas.

Ovoz – ovoz a’zolari yordamida chiqariladigan, balandligi, kuchi, tembri har xil b’lgan tovush. Ovoz hiqildoqda hosil bo‘ladi: o‘pkadan chiqayotgan havo oqimi bir-biriga tegib turgan ovoz boylamlari oralig‘idan o‘tib uni tebratadi, natijada nozikkina ovoz hosil bo‘ladi, so‘ngra uni yuqori rezonatorlar (og‘iz bo‘shlig‘i, halqum, burun va yondosh bo‘shliqlar) kuchaytirib, ovoz o‘ziga xos ohang oladi. O‘pkadan chiqayotgan havo oqimining kuchiga, jips turgan ovoz boylamlarining ko‘rsatayotgan qarshiligi va ularning tebranish amplitudasiga qarab, ovoz kuchli yoki kuchsiz, shuningdek, tebranishning uzunligi va chastotasiga qarab baland yoki past bo‘lishi mumkin. Unli tovush sof ovozdan iborat. Ovoz og‘iz bo‘shlig‘iga o‘tgach, uning bir qismi shovqinga aylanib, undosh tovush hosil bo‘ladi. Undoshning turlari shovqin miqdori bilan belgilanadi.

 

1. bir ovozdan: yakdillik bilan, hamjihatlik bilan

Darajalanish qatori: mavjud emas.
Milliy bo‘yoqdor so‘z: mavjud emas.