Lug‘atlar

So‘z tarkibi: {nafas}
So‘z bo‘g‘inlari: na-fas
Izoh(lar)i:
nafas [na-fas ]

1. Uzluksiz biologik jarayon, ya’ni o‘pkaga olinadigan va undan chiqariladigan havo; dam, tin. o‘nggi nafas. Og‘ir nafas olmoq.◆Yana yurak o‘ynab, nafas bo‘g‘izga tiqildi.M. Ismoiliy, Farg‘ona t. o.◆— Juda jabr qiladi, dedi Siddiqjon chuqur olgan nafasini gap bilan bo‘shatib; ovuq, shamolda shovullab turgan qamishzor manzarasi ochilishi bilan Botirali muzdek havodan to‘yib-to‘yib nafas oldi-da, to‘qayga kirib ketdi. A. Qahhor, Qo‘shchinor chiroqlari; H. G‘ulom, Mash’al

2. ko‘chma s. t.Bo‘lajak ish haqida og‘izdan chiqqan gap, izhor qilingan niyat. Yomon nafas.◆[Xadicha Dadavoyga:] Nafasingizni sovuq qilmang; afasingizni issiq qiling. Uyg‘un, Navbahor; N. Safarov, Hayot maktabi

3. uda qisqa vaqt; lahza, on. Bir nafasda. Bir nafasga. Nafas o‘tmay.◆Bulutli, xomush oqshom zulmati nafas sayin quyuqlashib, bahaybat qop-qora qanotlarini ufqlar ustiga tez yoyib kelmoqda; Mana, Mehriniso opa biladilar, onam meni bir nafas oldidan qo‘zg‘atgisi kelmaydi P. Tursun, O‘qituvchi; Z. Said, N. Safarov, Tarix tilga kirdi

4. etn.Duoxon, azayimxon va shu kabilar solgan dam kuchi. Uyimizda bir bechora bemor bor, shaytonlab yotibdi, taqsir, borib dam solib keling, shoyad nafasingizdan shifo topsa Oybek, Tanlangan asralar

5. Hid, is Qishi bilan tor uylarda diqqinafas bo‘lgan kishilarning dimog‘iga adirlardan giyohlarning xushbo‘y nafasi kelib uriladi S. Ahmad, Hukm

6. Harorat, ob-havo Harorat, ob-havo. Yaqinlashib kelayotgan qishning nafasi tevarak-atrofda kezib yuribdi. Gazetadan

Antonim(lar)i: mavjud emas.
Sinonim(lar)i: dam [f-t], tin

1. nafas I Ot
ichga olib, chiqariladigan havo, tin, dam

2. nafas II Ot
juda qisqa vaqt, lahza, on

Paronimi: mavjud emas.
Qomus: mavjud emas.

1. diqqinafas bo‘lmoq: Ko‘chma. Yuragi siqilib asabiylanmoq; bo‘g‘ilmoq; xunob bo‘lmoq, xunobi oshmoq; zerikmoq

2. nafasi chiqarmaslik: hech narsa demadi, indamadi

3. nafasi chiqmoq: hech narsa demadi, indamadi

4. nafasi halqumiga tiqilmoq.: nafas olishi og‘irlashmoq (ma’lum sabab ta’sirida).

5. nafasi ichiga tushib ketdi: qo‘rquv aralash hech narsa deyolmay lol bo‘lib qoldi

6. nafasi kesildi: gapirtirmadi

7. nafasi o‘chmoq: ovozi chiqmay qolmoq, jim qolmoq.

8. nafasi tiqilmoq: nafas olishi og‘irlashmoq (ma’lum sabab ta’sirida).

9. nafasini ichiga oldi: hech qanday tovush chiqarmaydi

10. nafasini ichiga yutdi: hech qanday tovush chiqarmaydi

Darajalanish qatori: mavjud emas.
Milliy bo‘yoqdor so‘z: mavjud emas.