1. Belga bog‘lanadigan, to‘rt-burchak ro‘mol shaklidagi gulli yoki gulsiz, chetlari tikilgan mato parchasi; qiyiq, qiyiqcha. U do‘ppisining jiyagini qaytarib, shohi belbog‘ bilan bog‘lab olgan edi. K. Yashin, Hamza

2. Umuman belga belbog‘ kabi bog‘lanadigan narsa. [Sharofat:] Eshigimizga uvada to‘n-u chilvir belbog‘ bilan kelgan eding. A. Qahhor, Qo‘shchinor chiroqlari

3. Har narsaning o‘rta belidan o‘tgan faraziy chiziq yoki halqa; ekvator. Endi biz Yerning belbog‘idan o‘tdik, Janubiy yarimsharga kirdik. H. Hasanov, Ekvatordan o‘tganda

4. Quvvat, mador, ko‘makdosh. — Nega tashlab ketaman buni, — dedi kampir, kelinning so‘zini rad qilib, — Belimning belbog‘i endi bu. I. Rahim, Chin muhabbat