1. O‘taketgan yovuz, berahm, vahshiy. — Benomus battollar! — degan g‘azabnok tovushlar eshitildi. Otliqlar qilichlarini yalang‘ochlab, qiy-chuv ko‘targan ayollarni chopa boshladilar. M. Osim, O‘tror

2. O‘taketgan razil, yaramas. Men bilan Otabekni qamatib, dor ostiga yuboruvchi, Otabek tilidan soxta taloq xati yozib, bir-birimizdan judo etuvchi battol Homid ekan. A. Qodiriy, O‘tgan kunlar

3. O‘zinikini to‘g‘ri deb turib oladigan; to‘g‘ri yo‘l-yo‘riqqa yurmaydigan, o‘taketgan o‘jar, qaysar. Bugun darvozada juda battol sarboz turibdi. S. Karomatov, Bir tomchi qon

4. Xosiyatsiz; shiddatli. Namoz-gardan boshlab yomg‘ir chunonam quyishga turdiki, Jahon ota: — Bunaqa battol yog‘inni umrimda kamdan-kam ko‘rganman, — dedi. R. Rahmonov, Changalzordagi sharpa